Дэлхийн дулаарал болон уур амьсгалын өөрчлөлт нь тогтвортой хөгжлийн тулгуур асуудал боллоо. Өнөөдөр хүлэмжийн хийн ялгаруулалтаа зөв тодорхойлж, удирдаж чадсан бизнесүүд маргаашийн зах зээлд тэргүүлж байна.

​

Зах зээлийн шинэ бодит байдал

​

Улс орнуудын Засгийн газар уур амьсгалын өөрчлөлтийн эсрэг Үндэсний бодлогын хүрээнд дараах зохицуулалтуудыг эрчтэй хэрэгжүүлж байна:

• Нүүрсхүчлийн хийн болон эрчим хүчний татварууд

• Эрчим хүчний хэмнэлт, ялгарлын албан ёсны зохицуулалт, стандартууд

• Ялгаруулалтын квот худалдаалах ба сайн дурын ХХ-н хөтөлбөрүүд

Өрсөлдөөнт бизнесийн орчинд урт хугацаанд тогтвортой оршин тогтнохын тулд байгууллагууд ирээдүйн үндэсний болон бүс нутгийн уур амьсгалын бодлого, зохицуулалтад одооноос бэлэн байх шаардлагатай болж байна.

​

Хүлэмжийн хийн (ХХ) тооллого хийлгэснээр танайд гарах бодит ач холбогдол

​

• Бизнесийн эрсдэлийг удирдах:

  Үйл ажиллагааны түвшний ялгаруулалтыг бодитоор тогтоож, ирээдүйд ирэх татвар, торгууль, хууль эрх зүйн эрсдэлээс сэргийлнэ.

• Олон улсын тайлагнал ба ESG стандарт:

  ХХ-н ялгаруулалтаа олон улсад хүлээн зөвшөөрөгдсөн аргачлалаар (ISO 14064 / GHG Protocol) тооцож, ESG тайлангийн шаардлагыг стандартын дагуу хангана.

• Хөрөнгө оруулалт & Ногоон санхүүжилт:

  Банк, хөрөнгө оруулагчид болон сонирхогч талуудын тавьж буй уур амьсгалын шаардлагыг хангаснаар ногоон санхүүжилт авах боломж нээгдэнэ.

• Нүүрстөрөгчийн зах зээлд оролцох:

  Сайн дурын болон заавал тайлагнаж буй хөтөлбөрүүдэд хамрагдаж, хүлэмжийн хийн квот худалдаалах, олон нийтэд нээлттэй мэдээлэх боломж бүрдэнэ.

• Байгууллагын нэр хүнд & Нийгмийн хариуцлага:

  Ирээдүй хойч үедээ тогтвортой дэлхийг үлдээх үйлсэд бодит хувь нэмэр оруулж, брендийн үнэ цэнэ, хэрэглэгчдийн итгэлийг нэмэгдүүлнэ.

​

Бидний санал болгож буй үйлчилгээ

​

Сургалт & Чадавхжуулалт

Байгууллагын түвшинд хүлэмжийн хийн (ХХ) тооллого, тооцооллыг олон улсын стандартын дагуу бие даан хэрхэн хийх аргачлалыг зааж, баг хамт олныг чадавхжуулна.

​

​Бидэнтэй холбогдон Хүлэмжийн хийн тооллогын сургалт болон зөвлөх үйлчилгээний талаар мэргэжлийн анхан шатны зөвлөгөөг үнэ төлбөргүй аваарай.